Мутахассисони алоқа ба мавсими сармо омодагӣ  мебинанд

Мутахассисони техникии ширкати “МегаФон Тоҷикистон” дар иншооти алоқа омодагии ҳамаҷонибаро барои давраи  тирамоҳу зимистон оғоз намуданд.  Санҷиши таҷҳизот ва таъмини манбаъҳои захиравии  нерӯи барқ ​​дар пойгоҳҳои базавӣ  дар саросари кишвар идома дорад.   

Тағйирёбии ҳарорат, барфу ях ва шамолҳои сахт ҳар сол барои соҳаи телекоммуникатсияи кишвар  мушкилоти ҷиддӣ эҷод мекунанд. Дар мавсими сармо дастрасӣ ба бештари  иншооти алоқа душвор аст, аз ин рӯ, кормандони соҳаи алоқа  озмоишҳои қаблии  ҳамаи системаҳоро анҷом дода,  хизматрасонии техникии пойгоҳҳои базавӣ   ва дигар унсурҳои инфрасохторро роҳандозӣ менамоянд  ва онҳоро барои кор дар шароитҳои номусоиди  обу ҳаво омода мекунанд.   

Таваҷҷуҳи махсус ба таъмини бефосилаи нерӯи барқ ​​равона карда мешавад. Барои беҳтар кардани эътимоднокии шабака, ширкати “МегаФон Тоҷикистон” беш аз 100 дастгоҳи  нави  дизелӣ-генераторӣ  (ДДГ)-ро ба минтақаҳои кишвар мефиристад. Онҳо дар пойгоҳҳои базавӣ  ҳамчун манбаъҳои эҳтиётии нерӯи барқ ​​дар сурати қатъшавии  он,  ​​истифода мешаванд. Дар умум  тахминан  2,6 миллион литр сӯзишвории дизелӣ ба иншооти алоқа барои ҳамаи ДДГ интиқол дода мешавад.    

Мутахассисони техникӣ  на танҳо таҷҳизотро тафтиш мекунанд, балки роҳҳои дастрасиро  ба иншоотҳо, бахусус иншооте, ки дар минтақаҳои душворгузари кӯҳистон ҷойгиранд, пешакӣ ба нақша мегиранд.

Алиҷон Ғаниев, директори техникии МегаФон Тоҷикистон, қайд мекунад: “Вазифаи мо пешгӯии хатарҳои эҳтимолӣ, омода кардани гурӯҳҳои техникӣ ва таҷҳизотро барои ҳолатҳои мухталиф дар бар мегирад.  Амалҳои мазкур   аксар вақт ба  корбарони хизматрасониҳои телекоммуникатсионӣ айён нестанд, вале ин бояд ҳамин тавр бошад. Дар ҳоле ки мутахассисони мо пайваста тамоми  корҳои  заруриро ҷиҳати  таъмини омодагии шабака барои мушкилоти мавсимӣ ба иҷро мерасонанд, муштариён занг задан, муошират тавассути  паёмрасонҳо ва ҳалли мушкилоти ҳаррӯзаро бо истифода аз хизматрасониҳои рақамии мобилӣ идома медиҳанд” – қайд кард директори техникии ширкати “МегаФон Тоҷикистон” Алиҷон Алиев.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube