Аз таҳти дил бихандед!

Муҳаббат

Ҷавоне ба маъшуқааш мегӯяд:

– Ман пулдор нестам. Масалан, мисли рафиқам чанд хона, мошин ва вазифа надорам. Ман фақат дӯстат медорам.

Баъди шунидани ин суханон ашк дар чашмони духтар ҳалқа зада, мегӯяд:

– Агар воқеан дӯстам медорӣ, маро бо он рафиқат шинос кун.

Нобоварӣ

Падар аз писараш мепурсад:

– Ман ба ту даҳ дона себ медиҳаму сетояшро гашта мегирам. Дар дасти ту чӣ мемонад?

Писар дар ҷавоб:

– Нобоварӣ…

Сабаби марг

Ҳамшираи тиб аз духтур мепурсад:

– Доктор, сабаби марги шахси фавтидаро чӣ нависам?

Духтур:

– Навис, ки коронавирус.

Ҳамшира бо тааҷҷуб:

– Чӣ хел коронавирус, охир дар ҷисми мурда пайи тири милтиқу теғи корд аст…

Духтур мегӯяд:

– Навис, коронавирус дар заминаи бемориҳои иловашуда!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube