Аз таҳти дил бихандед!

Обу нон

Модар ба маҳбас писарашро хабаргирӣ рафта, аз ӯ мепурсад:

– Султон, дар маҳбас чӣ мехӯрӣ?

Султон мегӯяд:

– Обу нон.

Модар мегӯяд:

– Ҳамон обу нонро дар хонаамон мехӯрдӣ, намешуд?

Имконият

Мардеро ҳангоми аз бонк дуздӣ карданаш дастгир карда, мепурсанд:

– Чаро даст ба дуздӣ задӣ?

Мард мегӯяд:

– Аз назди бонк мегузаштам, ки назарам ба навиштаҷоти “Имкониятро аз даст надеҳ” афтод.

5 дақиқаи хушбахтӣ

Ду марди нафақагир дар боғ нишастаанд, ки аз наздашон ҷавондухтаре мегузарад. Яке аз мардон бо ҳавас:

– Кош, аз нав ҷавон мешудам.

Марди дигар:

– Ту ақлатро хӯрдаӣ магар? Барои 5 дақиқаи хушбахтӣ боз 40 соли дигар кори давлат кунем?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube