Аз таҳти дил бихандед!

Рӯзи ид

Аз майхорае пурсиданд:

– Ту арақ менӯшӣ?

Майхора гуфт:

– Танҳо рӯзҳои ид.

Боз пурсиданд:

– Рӯзи идат кадом аст?

Мард гуфт:

– Рӯзе, ки арақ ёбам, ҳамон рӯз бароям ид аст.

Таъна

– Ман аз мурдан метарсам.

– Барои чӣ?

– Охир, баъд аз маргам занам ба қабристон омада, доду фиғон мебардорад.

– Хайр, дӯстат медорад…

– Не, занам боз таъна мезанад, ки ман барқасд аз кор гурехтаву худро куштаам.

Таъқиб

Духтур ба бемор:

– Хуш, чӣ шикоят доред?

– Вақтҳои охир ҳис мекунам, ки касе доим маро таъқиб мекунад.

– Ин ҳолат аз кай боз аст?

– Аз рӯзе, ки аз маҳбас гурехтам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube