Аз таҳти дил бихандед!

Гунаҳкор

Бибӣ аз наберааш мепурсад:

– Бачаҷон, оинаи хонаро кӣ шикаст?

Набера мегӯяд:

– Модарам шикаст, вале гунаҳкор падарам аст. Вақте ки модарам лаъличаро ба сараш ҳаво дод, дадаам каллаашро хам кард…

“Дар хонаи роҳзан”

Ду рафиқ дар тарабхона суҳбат доранд. Якеаш мегӯяд:

– Намефаҳмам, чаро чунин тарабхонаи бонуфуз «Дар хонаи роҳзан» ном гирифтааст?

Дигарӣ дар ҷавоб:

– Ҳоло ист, пули пардохти хизматонаро биёранд, баъд мефаҳмӣ.

Санг

Зан харидаҳои шавҳарашро як-як аз назар гузаронида, мепурсад:

– Ҳой мардак, аз байни биринҷ санг баромад, онро ҳам аз бозор харидед?

Шавҳар:

– Ҳа.

Зан:

– Санг харидан чӣ даркор?

Шавҳар дар ҷавоб:

– Рафту хариди кардаам маъқул нашаваду ғинг-ғинг кунӣ, санг лозим мешавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube