Аз таҳти дил бихандед!

Асал

Хирс 2 литр асалро дар зери хок пинҳон карда, дар коғазе менависад:

– Дар ин ҷо асал-пасал нест.

Харгӯше омада, асалашро мехӯрад ва дар коғаз менависад:

– Ин асалро харгӯш-паргӯш нахӯрдааст.

Нафақа

Марде дар моҳи июл либосҳои зимистона пӯшида, ба нафақагирӣ меравад. Корманди мақомот мегӯяд:

– Ако, дар ин гармӣ либосҳои зимистона пӯшида омадед, тинҷӣ аст?

Мард мегӯяд:

– Нафақаи моҳи январро гирифтанӣ омадам.

Нонхӯракҳо

Ду ҳамсоя дар берун чақ-чақ доранд. Якеаш мегӯяд:

– Ҳамин тараканҳо безор аз ҷонам карданд, тамоми намуди доруро истифода бурдам, ҳеҷ нест намешаванд.

Ҳамсоя мегӯяд:

– Ту мисли ман амал кун, бе дору худашон гурехта мераванд.

Ҳамсояи дигарӣ ҳайрон шуда, мепурсад:

– Ту чӣ кор карди?

– Ман дод зада гуфтам: “Дар хона нон нест, дар хона нест”, ҳамаашон гум шуданд.

Мард бо усули ҳамсояаш амал мекунад, нимашаб ба китфаш тап-тап мезананд. Чашмонашро кушода мебинад, ки сарлашкари тараканҳо бо сад ҳазор сарбозаш дар болои сараш ҷамъ шуда, мегӯянд:

– Хӯҷаин, хезед, мо хӯрданӣ овардем!

Таксӣ

Ду майхора аз тарабхона баромада, таксиеро манъ мекунанду ба ронанда мегӯянд:

– Ака, 3 нафарро то маркази шаҳр бо чанд сум мебарӣ?

Ронанда ҳайрон шуда мепурсад:

– Охир, шумо 2 нафар ҳастед ку!?

Мард мегӯяд:

– А бача, ту ҳамроҳи мо намеравӣ?

Зан ва пул

Ду рафиқ бо ҳам вомехӯранд. Якеаш шикоят мекунад:

– Дигар бо занам зиста наметавонам. Ҳар рӯз пул мепурсад.

Рафиқаш мегӯяд:

– Зани ту ин қадар пулро чӣ кор мекунад?

Мард мегӯяд:

– Намедонам, ман ҳоло ягон бор ба ӯ пул надодаам.

Донишҷӯ

Аз донишҷӯдухтаре пурсиданд:

– Гӯштбирёнро дӯст медорӣ ё сихкабобро?

Духтар мегӯяд:

– Ҳамонеро, ки ин чизҳоро ба ман харида медиҳад.

Пулхӯр

Марде ба рафиқаш мегӯяд:

– Мурод, медонӣ, занам тамоми пулҳоямро гирифта рафт.

Мурод дар ҷавоб:

– Зани ман ҳам тамоми пулҳоямро гирифт, вале нарафт.

Шаробӣ

Ҷавон бо духтаре шинос мешавад:

– Ман Алӣ.

– Ман Дилбар.

– Шуғли шумо чист, Дилбар?

– Варзиш, ман варзишгар ҳастам. Шумо чӣ?

– Машрубот. Ман шаробӣ ҳастам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube