36 сафари хориҷии президент дар як сол
Дар соли равон барои президенти Ӯзбекистон Шавкат Мирзиёев 36 сафари хориҷӣ ба нақша гирифта шудааст. Дар ин бора раҳбари Пресс-клуби байналмилалӣ Шерзодхон Қудратхуҷаев хабар дод.
Президенти Ӯзбекистон 20 январ бо сафари расмие ба Олмон рафт. Қарор аст, ӯ бо президент Франк-Валтер Штайнмайер, садри аъзам Ангела Меркел ва раҳбари Бундестаг Волфганг Шойбле дар шаҳри Берлин дидору гуфтугӯ кунад.
Мирзиёев сафари хориҷии худро дар соли равон аз Ҳиндустон оғоз кард. Ӯ рӯзҳои 17-18 январ дар як ҳамоиши байналмилалии сармоягузорӣ дар Ҳиндустон иштирок дошт.
Қарор аст, Мирзиёев пас аз Олмон аз Белгия, Швейтсария, Канада, Ҷопон, Булғористон ва Беларус боздид кунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ