دور تازۀ واکسین پولیو در افغانستان آغاز شد

وزارت صحت عامه، دور تازۀ واکسین کودکان را در برابر بیماری فلج آغاز کرد.

این برنامۀ پنج روزه، به روز دوشنبه (۱۲ حمل) از کابل آغاز شد و قراراست در این برنامه نُه اعشاریه سه میلیون کودک زیر پنج سال در ۳۱ ولایت کشور در برابر بیماری فلج واکسین شوند.

بربنیاد آمارهای وزارت صحت عامه، تنها در سه ماه نخست سال روان میلادی دو رویداد بیماری فلج در کندهار و یک رویداد دیگر در ارزگان در بخش‌های زیرکنترول مخالفان مسلح دولت گزارش شده‌اند.

فیروزالدین فیروز، وزیر صحت عامه در مراسم آغاز این برنامه، از تمامی خانواده‌ها خواست که برای جلوگیری از مفلوج شدن همیشه‌گی کودکان شان و گرفتار شدن آنان به بیماری‌های دیگر، کودکان شان را واکسین کنند.

وزارت صحت عامه، بلندترین حوزۀ تهدید فلج را حوزه‌های شرق و جنوب کشور می‌شناسد که در سه ماه نخست امسال سه گزارش فلج کودکان در این حوزه‌ها ثبت شده‌اند.

این برنامه اما در ولایت‌های دایکندی، بامیان و غور پس از گرم شدن هوا اجرا خواهد شد.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube