Аз таҳти дил бихандед!

Духтур ва ҳамшира

Ҳамширае бо таҳлука назди духтур омада, мегӯяд:

– Аҳволи бемори 7-ум палата ҳар дақиқа бад шуда истодааст.

Духтур бо ғазаб эрод мегирад, ки ин тавр гуфтан лозим нест. Бояд чунин гуфт:

– Бемор аз 7-ум палата фикр мекунад, ки аҳволаш бад шуда истодааст.

Рӯзи дигар ҳамшира оромона ба табиб мегӯяд:

– Духтур, бемор аз 7-ум палата фикр мекунад, ки ӯ мурдааст…

Ҳуруфчин

Ҳуруфчине ба назди духтури дандон рафт. Духтур гуфт:

– “А” гӯед.

– “А”-и калон ё “а”-и хурд?

Азизакам…

Соҳибҷамоле ба ҷавони дӯстдоштааш мегӯяд:

– Барои тасаллои дил, ақаллан боре ба ман “азизакам” гуфта, муросо намо!

Ҷавон бо ғурур, ҳавобаландона мегӯяд:

– Эҳ, ҳа-а-а! Ман то ба ҳол боре ҳамсари худро “азизакам” нагуфтааму…

– Эҳ, ҳа-а-а! Чӣ, ту зан дорӣ?,- мегӯяду мушти обдоре бар сари ҷавон мезанад.

Ҳуш аз сари ҷавон парида, мегӯяд:

– Азизакам, ту аз зани дуюмам ҳам боқувваттар будаӣ…

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube