Аз таҳти дил бихандед!

Рӯзҳои дарозу кӯтоҳ

Дар вақти имтиҳон муаллим аз шогирд пурсид:

– Дар бораи аз гармию сардӣ тағйир ёфтани ҷисмҳо чӣ медонӣ?

Шогирд каме фикр карду гуфт:

– Ҳамаи ҷисмҳо аз гармӣ васеъ ва аз сардӣ фушурда мешаванд.

– Дуруст,- гуфт муаллим.- Канӣ як мисол гӯй.

– Масалан, вақти тобистон, ки ҳаво гарм аст, рӯзҳо дароз ва дар зимистон, ки ҳаво сард мебошад, рӯзҳо кӯтоҳ мешаванд.

Аввал себ диҳед

Муаллим ба шогирд:

– Ту ду дона себ дорӣ, ман ба ту боз ду донаи дигар себ додам. Ҷамъ дар дасти ту чанд себ мешавад?

Шогирд:

– Аввал себ диҳед, баъд мегӯям.

Садо

Ду рафиқ ба садои ҷӯшидани об гӯш медоданд. Яке аз онҳо пурсид:

– Ин садои чист?

Дигар ҷавоб дод:

– Садои микробҳо.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube