Аз таҳти дил бихандед!

Тухми шикаста

Марде ба мағоза медарояд:

– Тухм чанд сомонӣ?

Фурӯшанда дар ҷавоб:

– 1 сомониву 50 дирам. Тухмҳои шикастаро бошад, 50-дирамӣ мефурӯшем.

Мард мегӯяд:

– Ин тавр бошад, ба ман даҳ дона тухмро шикаста диҳед.

Дӯстӣ

Ҳорун ба Баҳлул гуфт:

– Дӯсттарин мардумон дар назди ту кист?

Гуфт:

– Он ки шиками маро сер созад.

Гуфт:

– Ман сер месозам, пас маро дӯст хоҳӣ дошт ё на?

Гуфт:

– Дӯстӣ нася намешавад.

Вохӯрӣ

Дар биёбон маркаб бо прапоршик вомехӯранд.

Маркаб мепурсад:

– Ту кистӣ?

Прапоршик ба атроф нигариста, мегӯяд:

– Ман капитан. Ту чӣ?

Маркаб ба атроф нигариста:

– Ман асп.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube