Аз таҳти дил бихандед!

Хоби бад

Зани тундхӯе нимишабӣ дар хоб дасту по мезад ва фиғон мекард. Шавҳараш ӯро аз хоб бедор карда, сабаб пурсид.

Зан гуфт:

– Хоби баде дидам, гӯё ман мурдааму мардум дар тараддуди гӯру кафани ман шудаанд.

Шавҳар гуфт:

– Аҷаб аҳмақам ман, ки туро бедор кардам.

Рамазон

Зоҳиде дар маҷлис мегуфт:

– Оё моҳи Рамазон аз мо хушнуд рафт?

Зарифе гуфт:

– Бале, хушнуд рафт.

Зоҳид пурсид:

– Аз куҷо медонӣ?

Гуфт:

– Аз он ҷо ки агар хушнуд наравад, соли дигар боз наояд.

Кактус

Ду дугона нишастаанд, яке ба дигар мегӯяд:

– Лайлӣ, кактусҳо дар пеши тиреза барои онанд, ки мардҳо ба хона надароянд?

– Не. Барои он, ки аз хона набароянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube