Аз таҳти дил бихандед!

Рӯбардор

Зане ба дугонааш занг зада, мегӯяд:

– Дугона, ту вазифаи хонагии писаратро иҷро кардаӣ?

Дугонааш мегӯяд:

– Бале, кардам.

Зан хурсандона:

– Дафтари писаратро ба ман ҳам деҳ, барои духтарам рӯбардор кунам!

Фармон

Ду писарбача падарҳояшонро таъриф мекарданд:

– Падари ман чунон бақувват аст, ки ана ҳамин санги вазнинро мебардорад,- гуфт писарбачаи аввал.

– Падари ман бошад, якбора ду санги вазнинро мебардорад,- паст наомада, гуфт писарбачаи дуюм.

– Чӣ хел?,- дар ҳайрат шуда, пурсид дигарӣ.

– Ана ҳамин хел, ӯ фармон медиҳад ва ин сангҳоро ҷонишинаш мебардорад,- ҷавоб дод ӯ.

Хоҳиш

Мактуб ба бахши мусиқии радио:

– Сардори мо тоқати шунидани сурудҳои Қадами Қурбонро надорад. Гуфт, ки агар бори дигар овози ӯро шунавад, худашро мекушад. Хоҳишмандем, сурудҳои Қадами Қурбон – «Мндалағут», «Азизам» ва «Бобо шидм»-ро шунавонед!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube