Аз таҳти дил бихандед!

Мушкилот

Марде ба дӯсташ мегӯяд:

— Дирӯз ба назди равоншинос рафта будам. Тавсия дод, ки шабона тамоми мушкилоти худро аз дар берун гузорам.

Дӯсташ мепурсад:

— Хайр, чӣ хел? Гуфтаашро иҷро кардӣ?

Мард мегӯяд:

— Э, аз куҷо? Зану хушдоманам ҳеҷ дар кӯча хоб рафтан намехоҳанд.

Зани маҷбурӣ

Ҷавонеро маҷбуран зан доданӣ шуда, ба никоҳ мебаранд. Мулло ҳангоми хондани хутбаи ақди никоҳ ба домод рӯ оварда, мегӯяд:

— Такрор кунед: «Хостам ва қабулаш кардам ба занӣ».

Ҷавон сурху сафед шуда, ба ҷӯрааш, ки дар паҳлуяш истодааст, рӯ оварда, мегӯяд:

— Ту ба ҷои ман гап зан, ман шарм медорам.

Як қабр

Ду нафар аз назди қабристон гузашта истода, навиштаҷоти санги болои қабрҳоро мехонанд. Якеаш дар санги як қабр мехонад:

— Раҳим Умаров, адвокат ва инсони наҷиб.

Марди дуюм мегӯяд:

— Инро бинанд, дар як қабр ду нафарро гӯр кардаанд!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube