Аз таҳти дил бихандед!

Хабари хуш

Писар ба модараш мегӯяд:

– Оча, бароят хабари хуш дорам.

Модар шодикунон:

– Аз фанни алгебра баҳои 5 гирифтӣ?

Писар:

– Ман хабари хуш гуфтам, на муъҷиза.

Театри калон

Шавҳар аз ҷои кор омада, ба занаш мегӯяд:

– Тайёр шав, ба театр меравем!

– Ба кадом театр? Театри калон?,- бо хурсандӣ мепурсад зан.

– Зиқ нашав, дар ин театр меғунҷӣ,- посух медиҳад шавҳар.

Доруи таскинбахш

Дар қабули табиб. Духтур ба зан мегӯяд:

– Ба шавҳари шумо оромӣ лозим аст. Ман доруи таскинбахш менависам.

Зан:

– Доруро кай ба ӯ диҳам?

Духтур:

– Ҳеҷ гоҳ! Онро худатон истеъмол кунед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube