Аз таҳти дил бихандед!

Диплом

Ҷавоне дипломашро мегирад ва ба пушташ овезон мекунад. Аз ӯ мепурсанд:

 – Чаро овезон кардӣ?

Ҷавон мегӯяд:

 – Ман чор сол аз паси ин давидам, акнун ин аз паси ман бидавад.

Имтиҳон

Пеш аз имтиҳон падар ба писараш мегӯяд:

– Агар имсол ҳам аз имтиҳонҳо нагузарӣ, маро «падарам» нагӯ!

Баъди имтиҳонҳо падар бо дидани писараш:

– Ҳа… бачам, имтиҳонҳо чӣ шуд?

Писар дар ҷавоб:

– Мебахшед, шумо кӣ? Нашинохта истодаам.

Гӯшвора

Роҳбари корхона диққат медиҳад, ки як корманди хушсурату фаъолаш, ки марди хеле оромтабиат аст, вақтҳои охир дар гӯшаш ҳалқа пӯшида мегардад. Боре ҷуръат карда, аз ӯ мепурсад:

– Давлатов, тинҷӣ аст? Наход шумо ҳам мисли ҷавонҳои имрӯза шуда бошед?

Давлатов дар ҷавоб:

– Диққат надиҳед, баъзан мешавад, устод.

Роҳбар:

– Аз кай боз хоҳиши гӯшвор пӯшиданро пайдо кардед?

Давлатов:

– Аз вақте ки занам ин гӯшвори лаънатиро аз ҷойгаҳамон пайдо намуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube