Аз таҳти дил бихандед!
Кумак кардам-ку!
Ҷавонзан бо қаҳр ба шавҳараш гуфт:
— Лифт вайрон шуд! Ман пиёда то ошёнаи 7 баромадам. Дар як дастам кӯдак, дар дигараш аробача ва халтаи картошкаву пиёз, қариб аз ҳуш мерафтам. Ту бошӣ, ақаллан кумак намекунӣ!
Шавҳар дар посух:
— Чӣ хел кумак намекунам? Дарро кӣ барои ту кушод?
Зани ришдор
Марди бемӯе аз дорухона маҳлул барои афзоиш ёфтани мӯйро харидорӣ карда истода, аз фурӯшанда мепурсад:
— Ба фикри шумо, ин дору ба ман фоида мекунад?
Фурӯшанда мегӯяд:
— Албатта. Шумо шахси ришдорро дар касса мебинед? Ӯ завҷаи ман аст. Боре ҳамин доруро бо дандонаш кушодан хосту риш баровард.
Асабам ором аст
Зан ба шавҳараш занг мезанад:
— Мардак, маро бубахш, нафаҳмида ба ҷойи доруи шикамдард ба ту доруи асаб додам. Аҳволат чӣ хел?
Мард дар ҷавоб мегӯяд:
— Шимамро расво карда бошам ҳам, асабам ором аст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ