Аз таҳти дил бихандед!

Савол

Харидоре ба асабҳои қассоб расиданӣ шуда, мегӯяд:

— Ин гӯшт ҳангоми зинда буданаш “мияв” мегуфт ё “ҳаф-ҳаф”?

Қассоб дар ҷавоб:

— Ин гӯшт ҳангоми зинда буданаш саволҳои ҳархела медод.

Музди меҳнат

— Агар ба ҳисоби миёна гирем, музди меҳнат дар Тоҷикистон 500 сомонӣ аст,- мегӯяд марде ба рафиқаш.

— Ин ҳисоби миёнаро чӣ гуна муайян мекунанд?,- савол медиҳад рафиқаш.

Мард дар ҷавоб:

— Мушкил нест, роҳбар гӯшт мехӯрад, ман пиёз. Яъне, мо дар якҷоягӣ манту мехӯрем.

Тасодуф

Суҳроб аз Мурод мепурсад:

— Мурод, ту бо занат чӣ хел шинос шудӣ?

Мурод дар ҷавоб:

— Тасодуфан… касеро гунаҳкор карда наметавонам.

Боварӣ

Аз оқиле пурсиданд:

— Ба кадом тоифаи занҳо бовар кардан мумкин аст: зардинамӯй, сиёҳмӯй ё малламӯй?

Оқил гуфтааст:

— Ҳатто ба зани сарсафед бовар кунед, вале ба мард, ҳатто марди кал бовар накунед!

Иштибоҳ

Марде шабона ба хона дер омада, хомӯшона либосашро кашида, ба ҷойгаҳ медарояд.

— Боз нӯшидӣ?,- мегӯяд зан.

Мард ҳайрон шуда:

— Аз куҷо фаҳмидӣ?

Зан мегӯяд:

— Ту боз дари хонаатро ғалат кардӣ, хонаи ту аз тарафи дасти чап аст.

Толеъ

Ҷавоне бо духтари дӯстдоштааш ҳамоғӯш хобанд. Ҷавон мегӯяд:

— Ту беҳтаринӣ! Кадом батолеъ туро ба занӣ мегирифта бошад?

Духтар мегӯяд:

— Шояд ту?

Ҷавон мегӯяд:

— Не, ман толеъ надорам…

Маслиҳат

Шавҳар завҷаашро бо халтаҳои пурбор дида, мегӯяд:

— Занак, дар синну соли ту бори вазнин кашидан мумкин нест.

Зан мепурсад:

— Пас чӣ кор кунем?

Шавҳар мегӯяд:

— Беҳтараш се бор ба бозор рав.

Асал

Рӯзе хирс 2 кило асалро дар зери хок пинҳон карда, дар қоғаз чунин менависад:

— Дар ин ҷо асал-пасал нест!

Харгӯши зираке омада, асалро мехӯраду навиштаҷоти қоғазро иваз мекунад:

— Ин асалро харгӯш-паргӯш нахӯрдааст!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube