Аз таҳти дил бихандед!

Эълон

Марде ба идораи ҳафтанома занг зада, мепурсад:

— Ман дар ҳафтаномаи шумо эълон дода будам, ки сагам гум шудаасту ба нафари онро пайдонамуда 1000 доллар медиҳам. Ягон хабар ҳаст?

Корманди ҳафтанома ҷавоб медиҳад:

— Чизе гуфта наметавонам. Дар идора на муҳаррир асту на хабарнигорон, ҳама ба ҷустуҷӯи саги шумо баромадаанд.

Бозёфт

Морбозе духтури ҳайвонотро барои табобати мори калон даъват мекунад. Ҳангоми муоина мор ак-ак мекунад. Духтур ба ваҷд омада, мегӯяд:

— Ин ҳодисаи нодир аст, мор бо овози саг меҷакад! Барои чунин бозёфт ман соҳиби мукофот мешавам!

Морбоз гапи духтурро бурида, мегӯяд:

— Духтур, шояд аввал сагро аз даруни мор берун овардан лозим?

Тиреза

Писарбача ба падараш мегӯяд:

— Дада, пагоҳ боз шуморо ба мактаб ҷеғ заданд. Ман як тирезаи дигарро низ зада шикастам.

Падар оҳ кашида, мегӯяд:

— Худоё, ин мактаби шумо боз чанд тирезаи дигар дорад?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube