Аз таҳти дил бихандед!

Фоли неку фоли бад

Духтаре аз пирамарди солхӯрда мепурсад:

– Бобо, шумо ба фоли неку фоли бад бовар доред?

Мард дар ҷавоб:

– Аз вазъият вобаста аст. Ту чиро дар назар дорӣ?

Духтар мегӯяд:

– Масалан, субҳ бо пойи чап аз хоб мехезед…

Пирамард дар ҷавоб:

– Духтарам, дар синну соли ман субҳ аз хоб бедор шудан аллакай фоли нек аст.

Зоғ

Марде аз писараш мепурсад:

– Бачем, зоғ хабар овард, ки ту сигор мекашӣ.

Бача дар ҷавоб:

– Узр дада, аммо шумо чӣ мекашед, ки бо зоғ гап мезанед?

Телефон

Нозири роҳ мошинеро манъ мекунад, ки сари чанбараки он бонуи зебое нишастааст. Нозир мепурсад:

– Барои чӣ дар пеши мошин ва қафои он рақамҳои гуногун часпонида шудааст?

Зан бо карашма мегӯяд:

– Дар пеши мошин рақамҳои телефони дастиям, дар қафо рақами телефони хонаам аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube