Аз таҳти дил бихандед!

Гул

Шавҳар ба хонааш маст омада, дарро тақ-тақ мекунад. Занаш дарро намекушояд. Шавҳар мегӯяд:

– Барои духтари хушрӯй гул овардам.

Зан дарҳол дарро кушода, мебинад, ки гул нест.

– Канӣ гул?,- мегӯяд зан.

Шавҳар дар ҷавоб:

– Канӣ духтари хушрӯй?

Таърих

Набера аз бобо мепурсад:

– Бобо, чӣ кор мекунӣ?

Бобо мегӯяд:

– Филми таърихӣ тамошо дорам.

Набера мегӯяд:

– Ин филми ошиқона аст ку!

Бобо мегӯяд:

– Барои ту ошиқона аст, барои ман аллакай таърихӣ…

Масофаи иҷтимоӣ

Дар толори суд аз судшаванда мепурсанд:

– Судшаванда, шумо ба гардан гирифтан намехоҳед, ки аз кормандони мақомоти ҳифзи ҳуқуқ мегурехтед?

Судшаванда мегӯяд:

– Не, рафиқ судя, ман танҳо масофаи иҷтимоиро риоя мекардаму халос.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube