Аз таҳти дил бихандед!

Пулат намерасад

Марде ба назди духтур омада, мегӯяд:

— Духтур, ҳама ҷоям дард мекунад.

Духтур дар ҷавоб:

— Воҳима накунед, барои ҳама ҷоятон пулатон намерасад.

Таъсири донаи зардолу

Мевафурӯше дод зада, мева мефурӯхт:

— Зардолу, як кило 50 сомонӣ, донаи зардолу, як кило 100 сомонӣ.

— Чаро донаи зардолу аз худи зардолу қимматтар аст?,- пурсид марде.

— Чунки донаи зардолу ақли одамро зиёд мекунад,- ҷавоб дод мевафурӯш.

Мард як кило донаи зардолу харид. Дар наздикии мевафурӯш нишаста, донаҳоро мешикасту мехӯрд. Баъди андаке аз дил гузаронд:

— Ин чӣ коре буд, ки ман кардам? Агар зардолу мехаридам, ҳам зардолу мехӯрдам, ҳам донаашро ва ҳам арзонтар мешуд.

Мард ба назди мевафурӯш омад ва фикрашро баён кард.

Мевафурӯш дар ҷавоб:

— Нагуфта будам, ки дона ақли одамро зиёд мекунад?!

Туҳфа

Ҷарроҳи ҷавонро баъди ду маротиба ҷарроҳии бебарор карданаш мудири шуъба даъват карда, мепурсад:

— Гӯш кун, Аброров, ту дипломро харидаӣ чӣ?

Ҷарроҳ дар ҷавоб мегӯяд: — Хафа мекунед, духтур, барои чӣ дипломро мехаридаам? Онро ба ман дар зодрӯзам туҳфа карданд!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube