Аз таҳти дил бихандед!

Теоремаи Пифагор

Омӯзгор ба толибилмон:

– Акнун ман ба шумо теоремаи Пифагорро исбот мекунам.

Талабаи сустхоне аз партаи ақиб нидо мекунад:

– Муаллимҷон, заҳмат накашед, мо ба шумо бовар мекунем.

Дарди ҷуғрофӣ

Омӯзгори фанни ҷуғрофия ба назди табиб меояд.

Духтур аз муаллим мепурсад:

– Куҷоятон дард мекунад?

Омӯзгор:

– Поям.

Табиб:

– Куҷои поятон?

– Мавзеи шимолу шарқии соқи пой.

Замони зимистон

Омӯзгор аз толибилмон мепурсад:

– Ман месулфам, ту месулфӣ, ӯ месулфад, мо месулфем… Канӣ кӣ мегӯяд, кадом замон мешавад?

Талабае аз партаи қафо нидо мекунад:

– Замони зимистон!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube