Аз таҳти дил бихандед!

Қарздор

Аз марде мепурсанд:

– Шумо наметарсед, ки аз коронавирус вафот мекунед?

Мард дар посух мегӯяд:

– Ман аз бонк қарздор ҳастам, онҳо маро мурдан намемонанд.

Оташ

Ба хадамоти оташнишонӣ марде занг зада, мегӯяд:

– Алло, ин ҷо мақомоти оташнишонӣ аст? Хонаи ман сӯхта истодааст!

Аз хадамот мепурсанд:
– Шумо дар кадом маҳалла қарор доред?

Мард мегӯяд:
– Дар назди телефон. Атрофам сӯхта истодааст. Ман чӣ кор кунам?

Аз хадамот мегӯянд:

– Шумо дар хона дезодорант доред?

Мард бо талвоса:
– Бале, дорам.

Аз хадамот:
– Ба ҳеҷ ваҷҳ онро дар наздикии оташ пош надиҳед!

Рост мегӯяд

Навқаламе ба Ашӯр Сафар хабар расонида, мегӯяд, ки Сафармуҳаммад Аюбӣ шеъре навиштааст бо чунин мазмун: то Ашӯр Сафар намурад, мо обрӯ намегирем.

– Аюбӣ рост мегӯяд,- посух медиҳад Ашӯр Сафар.- Мо ҳам Вализодаро ҳамин хел мегуфтем.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube