Аз таҳти дил бихандед!

Сергап

Омӯзгор дар рӯзномаи толиба менависад:

— Духтари шумо беҳад бисёр гап мезанад.

Рӯзи дигар духтарча рӯзномаашро оварда, ба муаллим медиҳад, ки дар он падараш чунин посух навиштааст:

— Шумо ҳоло очаашро надидаед!

Меҳмони хира

Марде маҷбуран дар хонадоне чанд рӯз меҳмон мешавад. Баъди ба хонааш баргаштан, ба дӯсташ нақл мекунад:

— Дар фалон деҳа мардумаш чунон саховатманданд, ки ҳангоми чойрезӣ пиёларо пур мекунанд.

Дӯсташ дар ҷавоб мегӯяд:

— Ҳой содда, пиёлаи туро барои он пури чой мекарданд, ки ту ба он шакар андохта натавонӣ!

Хайма

Шерлок Холмс ва духтур Ватсон пиёда сайр мекарданд. Вақте онҳо ба ҷангале расиданд, шаб фаро расид. Дар он ҷой хайма зада, дар дохилаш хоб карданд. Нисфи шаб Холмс бедор шуда, аз шарики духтураш пурсид:

— Ватсон, ба фикри шумо ин ситораҳои осмон аз чӣ дарак медиҳанд?

— Инҳо аз он дарак медиҳанд, ки пагоҳ ҳавои форам моро мунтазир аст. Ба шумо чӣ?

— Ба назари ман аз дуздидани чодири хаймаамон хабар медиҳанд,-мегӯяд Шерлок.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube