Бингар, ки кӣ мегӯяд…

Зарина ИБОДЗОДА, ректори Донишкадаи тиббӣ-иҷтимоии Тоҷикистон

— Ҷиҳати ба донишкада бештар ҷалб кардани духтарони маҳаллӣ раёсати донишкада дар шаҳру ноҳияҳои ҷумҳурӣ ва бо васоити ахбори омма корҳои фаҳмондадиҳиро ба роҳ монда истодаанд.

— Чунин корҳо мушоҳида намешаванд ку! Ё мо намедонем? Агар айби мост, пас мегуфтед, ки ҳоло дар донишкада чанд нафар духтарони маҳаллӣ таҳсил мекунанд?

Исматулло РАҲИМОВ, донишҷӯи Донишгоҳи политехникии Гонконг

— Агар донишҷӯе ба донишҷӯи дигар бар ивази навиштани рисолаи худ ҳаққи хизмат пешниҳод кунад, вай ба устоди фаннӣ шикоят мекунад.

— Беҳтарин амал ҷорӣ шудааст. Аммо агар устоди фаннӣ ба донишҷӯ бар ивази навиштани рисола ҳаққи хизмат пешниҳод кунад, донишҷӯ ба куҷо муроҷиат мекунад?

Малика АЛИМБОЕВА, корманди ҶСК “Бонки Эсхата”:

— Узви тими “Эсхата” будан — ин як ифтихор аст. Фаъолият бурдан дар бонки пешсаф, дар бонки низомсозе, ки дар тамоми миқёси ҷумҳуриямон ба ҳазорон нафар мизоҷон ҳамарӯза хизматрасонӣ мекунад…

— Шояд ин бонки “низомсоз” ҳамарӯза ба ҳазорҳо мизоҷон хизматрасонӣ кунад, аммо дигар бонкҳо чӣ кор мекунанд? “Низомсозӣ” магар хоси Бонки миллӣ нест?