Бингар, ки кӣ мегӯяд…

Юсуф АХМЕДОВ, варзишгар ва мураббии касбӣ

— Ман аз назди толори фитнес мегузаштам ва хостам як даромада бинам. Дарун даромадам ва дидам, ки Толеъ Холназаров он ҷо тамрин мекунад. Дарҳол ба ман ин варзиш писанд омад.

— Ҳар кас Толеъ Холназаров намешаваду… ба ҳар ҳол, дарк кардагистед, ки кореро тасодуфан оғоз кардан ҳам самара меовардааст…  

Тамара КАТАЕВА, овозхони шинохтаи тоҷик

— Мо «Худсовет» (Шӯрои бадеӣ) доштем. Ҳар шоире, ки шеърашро ба мо меовард, ҳамроҳи бастакор меомад. Аз мо мепурсиданд, ки ин шеър маъқул аст ё не? Танҳо баъд иҷозат медоданд, ки онро иҷро кунем.

— Ҳоло чӣ? Бисёр шоироне, ки шеърашонро барои овозхонҳо мебаранд, ҳамроҳи “муҳосиб” ё миёнаравашон мераванд.

Сиявуш ҚОСИМ, роҳбари гуруҳи “Лабханди ҷавонӣ”

— Ба як чиз ҳайронам, ки барои чӣ моро ба ҳамоишҳои сатҳи ҷумҳуриявӣ ё консерту чорабиниҳои пойтахт даъват намекунанд? Ё барои иштирок дар ин гуна чорабиниҳо ягон қоидаи хос мавҷуд аст, ки ман бехабарам?

— Шояд аз бисёр чизҳо бехабар бошед. Шояд мушкил дар номи гуруҳатон бошад, чун, фикр мекунанд, ки ҷавонеду ҳоло вақт доред.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *