Фролов аз мушкилоти сармоягузорони рус дар Тоҷикистон гуфт

Игор Лякин-Фролов, сафири Русия дар Тоҷикистон дар як матлабаш доир ба равобити Душанбеву Маскав дар маҷаллаи “Международная жизнь” гуфтааст, ки сармоягузорони рус дар Тоҷикистон дучори мушкил мешаванд. Ба таъкиди сафир, мушкили сармоягузорон пеш аз ҳама “мизони ниҳоят баланди андоз” ва “зуд-зуд иваз шудани қоидаҳои бозӣ аст”. Ӯ умедворӣ кардааст, ки ҷониби Тоҷикистон дар ин робита чораҳои зарурӣ меандешад, то сармоягузорони рус ба амалӣ кардани тарҳҳои худ идома бидиҳанд.

Ҷаноби Фролов дар идомаи матлабаш навиштааст, ки ба ин хотир ҳаҷми сармоягузориҳои Русия ба Тоҷикистон тайи соли охир коҳиш ёфтааст. Аммо дар ин матлаби сафир зикр мешавад, ки Русия барои Тоҷикистон ҳамоно шарики рақами яки тиҷорӣ боқӣ мемонад ва ҳаҷми табодули коло миёни ду кишвар ҳудудан ба 1 миллиард доллар баробар аст.

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован.