Медали тилои ду варзишгари тоҷик дар Чемпионати ҷаҳон оид ба кураш
Варзишгарони тоҷик 15-умин Чемпионати ҷаҳон оид ба гӯштини курашро бо 2 медали тило, 1 нуқра ва 3 биринҷӣ ба анҷом расониданд.
Ин мусобиқа аз 4 то 9-уми ноябри имсол дар шаҳри Остонаи Қазоқистон баргузор гардида, дар он Тоҷикистонро 7 варзишгар намояндагӣ мекард.
Ҳақназар Назаров (-90 кг) ва Сарвар Абдушукуров (-66 кг), варзишгарони тоҷик дар ин мусобиқа бо ғолиб омадан бар рақибони худ, медали тило ба даст овардаанд.
Ҳақназар Назаров рақибаш Йиҳам Кемалов аз Туркманистон ва Сарвар Абдушукуров намояндаи Ӯзбекистон – Баҳромбек Атоевро дар финали мусобиқа шикат дода, ғолибиятро ба даст овардаанд.
Ба иттилои телвизиони “Варзиш” Ҳақдод Гулов (-60 кг), варзишгар дигари тоҷик дар финал аз варзишгари мизбон Миразат Айбатир мағлуб шуда, медали нуқра гирифтааст.
Паҳлавонони дигари тоҷик- Умар Шеров (-73 кг), Наврӯз Каримзод, (-81 кг) ва Саидҷамол Алимардонов (-100 кг) медали нуқра ба даст овардаанд.
Ба ин тартиб, аз ҳайати тими Тоҷикистон танҳо ба Фирдавс Насимов (-120 кг) муяссар нашуд дар ин мусобиқа медал гирад.
Дар 15-умин Чемпионати ҷаҳон оид ба гӯштини кураш дар шаҳри Остона варзишгарон аз 72 кишвар ширкат кардаанд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ