Ноболиғи 10-сола дар Душанбе ҳангоми идораи мошин дастгир шуд

Кормандони мақомоти милитсияи шаҳри Душанбе зимни иҷрои вазифа дар ҳудуди ноҳияи Шоҳмансур як ноболиғи 10-соларо барои идора кардани воситаи нақлиёт боздошт карданд.

Тавре маълум гардид, ноболиғ Амирзода М., сокини пойтахт бе иҷозати волидайн калиди мошини тамғаи “Hyundai”-ро гирифта, дар кӯчаҳои маҳаллаи Хайробод сайр мекард. Нақлиёти мазкур ба падари ӯ Амиров Фатҳулло тааллуқ доштааст.

Айни ҳол нисбат ба ҳодисаи мазкур маводҳо тартиб дода шуда, тафтиш идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube