Подполковники маҳкумшуда: Тоҷиконро ба дом афкандан мехостам, вале…
Додгоҳи шаҳри Санкт-Петербург як подполковники пулиси нақлиёти ин шаҳрро барои 18 сол равонаи зиндон кард. Александр Левский дар нигоҳдории маводи мухаддир муҷрим шинохта шудааст. Мақомоти тафтишотии Санкт-Петербург гуфтаанд, моҳи августи соли 2014 аз манзили иҷораи Левский дар хиёбони Солидарност 36 кило маводи нашъадор дарёфт шудааст, аммо ин подполковники пулис дар додгоҳ иддао кардааст, ки ин миқдор маводи мухаддирро барои он нигоҳ медошт, ки қочоқбарони тоҷикро фиреб дода, боздошт кунад. Бар пояи ҳукми додгоҳ Левский 18 соли умри худро дар калонияи низомаш сахт пушти сар намуда, пас аз раҳо шудан 10 сол наметавонад вазифаҳои масъулро соҳиб шавад.
Дар робита ба ин қазия ду шаҳрванди дигари Русия ҳам боздошт шудаанд. Бо ҳукми додгоҳ Денис Василев барои 8 сол равонаи зиндони низомаш махсус шуда, Андрей Вожов ба ҳабси хонагӣ гирифта шудааст.
Рустам Азимӣ
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ