Суҳбати Эмомалӣ Раҳмон бо Нарендра Моди дар Чин

Президенти мамлакат Эмомалӣ Раҳмон ва Сарвазири Ҷумҳурии Ҳиндустон Нарендра Моди дар Чин суҳбат карданд.

Суҳбати ҷонибҳо дар ҳошияи ҳамоиши Созмони ҳамкории Шанхай дар шаҳри Тянҷини Чин баргузор шуд.

“Зимнан доир ба густариши робитаҳои сиёсӣ, тиҷоратию иқтисодӣ ва фарҳангию башарӣ табодули афкор сурат гирифт”,-иттилоъ медиҳад хадамоти матбуоти Сарвари давлат.

Сарони ҳар ду давлат аз раванди рушди муносибатҳои гуногунҷанбаи Тоҷикистону Ҳиндустон изҳори қаноат намуданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube