Толеъномаи 13-уми январи соли 2023

Ҳамал (21 март-20 апрел)

Ҳодисаҳои пурмоҷарои ин рӯз ба саломатиятон таъсири манфӣ мерасонад. Асабӣ нашуда, худро хаста насозед. Дар ҷои кор бодиққат бошед, то ба рӯйхати кормандони хориҷшуда наафтед.

Савр (21 апрел-22 май)

Дар ин рӯз робита бо шиносони нав ва ҳатто бо наздикон душвор мегардад. Кӯшиши мустақил буданатон ба рафти корҳоятон таъсири манфӣ мерасонад. Рӯзи хубест барои беҳдошти саломатӣ ва ҷарроҳиҳои тиббӣ.

Ҷавзо (23 май-21 июн)

Дар ин рӯз ба даст овардани вазифаи роҳбарикунанда ва тиҷорати бобарор имкон дорад. Дар робита бо одамон хафагиву асабониятро нигоҳ дошта, танқидро оромона қабул намоед. Бештар дар ҳавои тоза сайр намоед.

Саратон (22 июн-22 июл)

Тамоми тағйироти ин рӯз ба фоидаи шумо хоҳад буд. Муҳимаш аз навгониҳо натарсида, аз пайи кор шавед. Агар дар ин рӯз пешниҳоди нави корӣ шавад, дарҳол қабул намоед. Имкони вохӯрӣ бо собиқ дӯстдоштаатон вуҷуд дорад.

Асад (23 июл-23 август)

Имрӯз худро ҳамчун росткору демократ нишон медиҳед. Чунин амалатон ба ҳама писанд нест, вале шумо парво надоред. Дар ҷои кор баҳсу мунозира бо сардор ва муноқиша бо дӯстдошта имкон дорад. Муҳим он аст, ки тамоми мушкили худро бо машрубот рафъ накунед.

Сумбула (24 август-23 сентябр)

Дар ин рӯз нафаре нисбататон меҳру муҳаббати беандоза зоҳир менамояд. Агар шумо муҷаррад бошед, ба тақдир бовар карда, муҳаббатро рад насозед. Рӯзи хубест барои табибон, савдогарон ва варзишгарон. Бегоҳӣ бо сабаби хасташавии маънавӣ худро бад ҳис мекунед.

Мизон (24 сентябр-23 октябр)

Дар ин рӯз пурра бо кор машғул шавед, то ки сардоратон ба қадри заҳматҳоятон расида, соҳиби вазифаи беҳтар гардед. Нисфирӯзӣ шиносоии тақдирсоз имкон дорад. Зиёд андеша накарда, ба садои қалб гӯш андозед.

Ақраб (24 октябр-22 ноябр)

Дар ин рӯз либоси нав ба бар карданатон хуб аст, хусусан агар ба ҷои нави корӣ мерафта бошед. Дар муносибатҳои шахсӣ қадами ҷиддӣ нагузоред, ҳама кор вақту соати худро дорад.

Қавс (23 ноябр-21 декабр)

Агар шумо таваккал карда, ба корҳои тиҷоратии дигарон бинӣ халонед, тамоми дастовардҳои худро аз даст медиҳед. Ба танбалӣ роҳ надиҳед ва дар байни ҳамкорон аз корҳои худ шикоят накунед. Кори якҷоя натиҷаи хуб ва даромад меорад.

Ҷаддӣ (22 декабр-20 январ)

Дар аввал ноҷӯриҳоро дар муносибатҳои ошиқонаи худ ба эътидол оред. Сафари роҳи дурро ба таъхир гузошта, бо меҳнати зеҳнӣ машғул шавед. Бегоҳирӯзӣ занги телефони дӯстатон ва хабари ногаҳонӣ хотиратонро мушавваш мегардонад.

Далв (21 январ-20 феврал)

Мушкилиҳои зиёди вобаста бо рӯзгор, хонаву хешовандонатон имкон дорад. Ба назар чунин мерасад, ки ҳама кор дар якҷоягӣ ба дӯши шумо меафтад. Далвҳоеро, ки бо санъат, графикаи компютерӣ ва савдои хусусӣ машғуланд, муваффақияти зиёд интизор аст.

Ҳут (21 феврал-20 март)

Дар ин рӯз нисбати шахси наздикатон хӯҷаинӣ карда, боиси муноқиша мегардед. Як қисми мушкилиҳои хонаро ба дӯши худ гирифта, аз пайи таъмир шавед. Аз ҳад зиёд ба масъалаҳои пешравӣ дар вазифа мароқ зоҳир накунед. Беҳтарин роҳи гурехтан аз мушкилиҳо истироҳат бо наздикон аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube