Як ҷавони тоҷик дар Саратови Русия ба ҳалокат расидааст
Намояндагии дипломатии Тоҷикистон дар Русия вобаста ба ҳалокати як нафар ҷавони тоҷик, ки шаби 27-уми январи соли ҷорӣ дар наздикии деҳаи Нов, дар шоҳроҳи Ершов-Озинки бар асари садамаи нақлиётӣ даргузашт, ҳамдардии хешро ба наздикони марҳум изҳор намуд.
Бино ба иттилои Сафорати Тоҷикистон дар Русия, ҳамчунин бар асари ин ҳодисаи нохуш 2 нафар ҷавони тоҷик ҷароҳатҳои гуногуни ҷисмонӣ бардоштаанд.
Консулгарии генералии Ҷумҳурии Тоҷикистон дар шаҳри Уфаи Федератсияи Русия барои расонидани кумакҳои зарурӣ ба наздикону пайвандони марҳум ва осебдидагон изҳори омодагӣ кардааст.
— Қазияи мазкур таҳти пайгирии Сафорат ва Консулгарии генералии Тоҷикистон дар шаҳри Уфа қарор дорад,- меафзояд манбаъ.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ