Занозанӣ ва кордкашии ҷавонон дар маҳаллаи 102-юми пойтахт

Бино ба маълумоти ВКД, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки шаҳрвандон: марди 31-сола, ҷавони 19-сола ва ҷавони 22-солаи сокинони пойтахт, бо марди 24-сола, ҷавонони 19 ва 20-солаи сокинони пойтахт, рӯзи 26-уми майи соли 2018, тахминан соати 18:30-дақиқа, ҳангоми дар маҳаллаи 102-юми шаҳри Душанбе қарор доштанашон, аз ҳиссиёти авбошӣ якдигарро зери лату кӯб қарор дода, бо ин кирдорашон тартиботи ҷамъиятиро муддати 10-15 дақиқа дағалона вайрон намудаанд.

Сипас, ҳангоми занозанӣ ҷавони 19-солаи гурӯҳи дуюм бо корди дар дасташ буда, ҷавонони 22- сола ва 19-соларо ба рони пойҳои чапашон зада, захмӣ намудааст.
Оид ба ин ҳодиса парвандаи ҷиноятӣ оғоз гардида, тафтиш қарор дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube