Қазия “Крокус”. Муҳлати боздошт боз тамдид шуд

Суди шаҳри Маскав рӯзи 19-уми май бо як қароре муҳлати боздошти чор шаҳрванди Тоҷикистони гумонбар дар ҳамлаи толори консертии “Крокус”-ро ба муҳлати чор моҳи дигар тамдид кард.

Гуфта мешавад, ки бо қарори суд Фаридуни Шамсиддин, Саидакрам Раҷабализода, Далерҷон Мирзоев ва Муҳаммадсобир Файзов ба муҳлати 3 моҳу 28 рӯзи дигар дар боздоштгоҳ мемонанд.

Ин гумонбаронро тафтишоти Русия иҷрокунандаи ҳамла меномад. Поёни моҳи апрел мақомоти ҳифзи қонуни Русия гуфтанд, ки парвандаи гумонбарони ҳамла ба “Крокус Сити Ҳолл”-ро моҳи июн ба суд мефиристанд. “ТАСС” навишт, ки парвандаро Суди ҳарбии 2-юми ҳавзаи ғарбӣ баррасӣ хоҳад кард.  

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube