Ҳуҷуми густардаи Озарбойҷон ба Қарабоғ
Пас аз зӯҳри рӯзи сешанбе аз оғози ҳамлаи густарда дар ҷануби Қарабоғи Кӯҳӣ хабар дода шуд
Вазорати дифоъи Арманистон пас аз зӯҳри рӯзи сешанбе аз оғози ҳамлаи густарда дар ҷануби Қарабоғи Кӯҳӣ аз ҷониби нерӯҳои мусаллаҳи Озарбойҷон хабар дод.
«Мувофиқи маълумоти Артиши Дифоъи Артсах (Ҷумҳурии эътирофнашудаи Кӯҳистони Қарабоғ ), дар нимаи дуюми рӯз нерӯҳои мусаллаҳи озариҳо бо истифода аз қувваҳои эҳтиётӣ, миқдори зиёди техникаи ҳарбӣ, аз ҷумла тонкҳо ва тӯпҳо ба самти ҷанубии хатти тамос ҳамлаи густарда карданд.», навиштааст котиби матбуотии вазорати дифоъи Арманистон Шушан Степанян дар сафҳаи худ дар Фейсбук.
Дар ҳамин ҳол, вазорати корҳои хориҷии Арманистон хабар дод, ки нерӯҳои мусаллаҳи Озарбойҷон «дар ҷараёни сафари вазири корҳои хориҷии Туркия ба Боку ва чанд соат пас аз эълони даъват ба оташбас аз ҷониби вазирони корҳои хориҷии кишварҳои САҲА сурат гирифт»
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ