Ҷонибек аз Манижа чӣ мехоҳад?

-Дар озмун як қатор омилҳое ҳастанд, ки новобаста аз тарона ва истеъдоди ҳунарманд ба пирӯзӣ таъсир мерасонанд, гуфтааст Ҷонибек Муродов дар як мусоҳибаи худ вобаста ба интихоб шудани Манижа Сангин барои ширкат дар “Евровидение”
Ҷонибек Муродов, ҳунарманди номии тоҷик бар он аст, ки озмуни «Еворовидение» баробари байналмилалӣ ва номӣ буданаш, сиёси низ мебошад ва барои пирӯзӣ дар он як қатор омилҳои беруна таъсир мерасонанд.
Муродов изҳори хурсандӣ мекунад, ки имсол зодаи Тоҷикистон Манижа Сангин дар «Еворовидение» ширкат меварзад.
«Барои пешравии ҳар як фарзанди тоҷик ман ҳам шодам. Муваффақияти худ низ ҳисоб мекунам. Ба Манижа бурдборӣ мехоҳам», — мегӯяд вай. Ба ақидаи ҳунарманди тоҷик, «нафароне ҳастанд, ки натиҷаи «Евровидение»-ро муайян мекунанд». Аммо баробари ин, ба гуфтаи вай, тарона ва тарзи иҷрои он ба пирӯзӣ таъсир хоҳад расонд.
Муродов мегӯяд, ҳарчанд жанре ки Манижа мехонад, барояш бегона ва нофаҳмо аст, алтбатта пирӯзии Манижаро истисно карда наметавонад. «Аврупоиҳо мардуми раҳмдиланд. Ба фикри ман чандтарафа бояд барор кунад, то ҳунарманд дар озмун пирӯз шавад. Муҳим тарона бояд барои аврупоиҳо шинос ва хит бошад. Аз тарафи дигар, иҷрои он дар озмун ва пешниҳоди ҷолиб метавонад сарнавиштсоз шавад», — таъкид мекунад ӯ.
Пештар чанд коршинос дар Русия аз таронаи «Russian Woman», ки Манижа ба озмун пешниҳод кардааст, изҳори нигаронӣ карда
Ба иддаои онҳо, тарона барои пешниҳод ба ин озмун заиф аст, ҳарчанд бештари онҳо ба як чизи нав будани ин суруд таъкид мекунанд.
Ҷонибек низ мегӯяд, ки ин жанрро намефаҳмад ва барояш ҷолиб нест. Аммо истеъдоди Манижаро қадр мекунад.
«Шояд дар Аврупо, ки навовариро дӯст доранд, ин тарона бисёр мақбул шавад», — меафзояд ӯ.
Муродов новобаста аз интиқодҳое, ки ҷониби Манижа садо медиҳанд, бар он аст, ки пирӯзии тоҷикдухтар дар овоздиҳии пешакӣ шаффоф буд ва ин далели он аст, ки эътиқод бар ӯ дар Русия кам нест.
«Манижаро аллакай интихоб кардаанд ва дигар ҷои гап нест. Ӯ Роттердам меравад ва шояд пирӯз ҳам шавад. Танҳо барояш муваффақият мехоҳем», — мегӯяд ҳунаманди тоҷик ва меафзояд, ки ҳарчанд пештар «Евровидение»-ро пайгирӣ намекард, имсол барои дастгирии як зодаи Тоҷикистон ҳатман тамошо хоҳад кард, овардааст “Спутник” «Евровидение-2021» дар Роттердами Ҳоланд 17-22 май баргузор хоҳад шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube