Пулчинаки дағалгуфтор ҳабс шуд

Як гурӯҳ шаҳрвандон, мусофирони хатсайри №55 (пештара №33) мақомоти марбута вобаста ба амалкарди пулчинаки автомашинаи хатсайри мазкур, ки нисбати мусофирон дағалгуфторӣ намуда, онҳоро дар нимаи роҳ аз автомашина фароварда, то охири хатсайр набурдааст, чораҳои дахлдори қонунӣ андешанд.

Корбарони шабакаҳои иҷтимоӣ бо ирсоли навор аз Раёсати ВКД дар шаҳри Душанбе даъват намудаанд, ки нисбати рафтори дағалонаи пулчинак баҳои ҳуқуқӣ дода шавад.

Зимни таҳқиқи ҳодиса маълум гардид, ки номбурда санаи 26-уми июни соли ҷорӣ дар назди маркази савдои «Садбарг» аз дохили автомашинаи мусофиркашони ҷамъиятии хатсайри №55 бе сабабҳои узрнок мусофиронро фароварда, ҳамзамон бо суханони дағал нисбати мардум ва ҷомеа бадрафторӣ намудааст.

Воқеан ин амали дастгиршуда Одинаев Аъзам ба беэҳтиромӣ нисбат ба ҷамъият ва вайрон намудани тартиботи ҷамъиятӣ мансуб буда, нисбаташ тибқи талаботи моддаи 460 (майдаавбошӣ) Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб ва аз ҷониби Суди ноҳияи Шоҳмансур ҷазо дар намудаи ҳабси маъмурӣ ба муҳлати 7-шабонарӯз таъин карда шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube