Абдурозиқ ҳам миллионер шуд

Акнун саҳифаи Instagram-и яке аз шинохтатарин овозхонҳо ва блогерони тоҷик Абдурозиқ дорои як миллион обуначӣ аст.

Ба саҳифаи Instagram-и ситораи шабакаҳои иҷтимоӣ, овозхони ва блогер Абдурозиқ дар давоми як шабонарӯз 12 ҳазор нафар обуна шуданд ва ӯ дар миёни овозхонҳои тоҷик дуюмин миллионер дар ин шабака гардид.

Дар ин бора Абдурозиқ дар саҳифаи Instagram-аш хабар дода, ба дӯстони маҷозияш изҳори сипос кард.

“Алҳамдулиллоҳ имрӯз мо 1 миллион шудем! Барои ҳамаш раҳмат, сипос, ки маро ҳамроҳӣ мекунед ва ҳамавақт дастгириам менамоед”, – навиштааст сароянда дар зери аксе, ки ҳамроҳи Барон, продюсераш нашр кардааст”.

Ёдовар мешавем, ки чанд рӯз пеш овозхони саршиноси кишвар Шабнами Сурайё ҳам аз ҷиҳати доштани обуначиён дар Instagram миллионер шуда буд.

Бо ҳамин тартиб метавон гуфт, ки дар сегменти тоҷикии Instagram  5 овозхони аз ҳама зиёд дорои обуначӣ инҳо мебошанд.

Шабнами Сурайё – 1 миллион

Абдурозиқ  – 1 миллион

Зулайхо Маҳмадшоева – 934 ҳазор

Меҳрнигори Рустам – 794 ҳазор

Фарзонаи Хуршед  – 657 ҳазор

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube