Аз таҳти дил бихандед!

Корманди хуб

Санавбат ба Лола занг зада, мегӯяд:

— Лола, дар куҷоӣ? Шеф туро як соат боз мекобад.

Лола дар ҷавоб мегӯяд:

— Ба шефамон гӯй, ки корманди хубро ёфтан душвор аст!

Мактаби мусиқӣ

Шавҳар ба занаш мегӯяд:

— Латофат, ба фикрам, ту дар мактаби мусиқӣ таҳсил кардаӣ?

Зан дар ҷавоб:

— Ман ягон хел мактаби мусиқиро нахондаам!

Шавҳар мегӯяд:

— Ин тавр бошад, барои чӣ ҳар рӯз консерт нишон медиҳӣ?

Нобоварӣ

Падар аз писараш мепурсад:

— Ман ба ту даҳ дона себ медиҳаму сетояшро гашта мегирам. Дар дасти ту чӣ мемонад?

Писар дар ҷавоб:

— Нобоварӣ…

Дарк

Пиразане аз дугонааш мепурсад:

— Ҳамин ту фаҳмида метавонӣ, ки дар дунё чӣ гапу корҳо шуда истодааст?

Дугонааш мегӯяд:

— Ба ту чӣ хел фаҳмонам…

Пиразан гапи дугонаашро бурида, мегӯяд:

— Ман худам ҳам мефаҳмам, вале дарк карда наметавонам.

Тарозуи гӯё

Зан ба назди духтур рафта, мегӯяд:

— Духтур, ба фикрам, ман фарбеҳ шудаам.

Духтур:

— Чаро ин тавр фикр мекунед?

Зан:

— Имрӯз тарозуи гӯё харидаму вазнамро чен кардам.

Духтур:

— Хуш, тарозуи гӯё вазнатонро чанд гуфт?

Зан:

— Тарозу гуфт, ки «илтимос, ба болои тарозу якнафарӣ бароед!».

Дӯзах

Марде ба дӯсташ ҳасрат мекунад:

— Бо шарофати занам ман тақводор шудам.

Дӯсташ ҳайрон шуда, мепурсад:

— Чӣ тавр?

Мард дар ҷавоб:

— То рӯзи тӯямон ман ба вуҷуд доштани дӯзах боварӣ надоштам.

Имконнопазир

Рӯзноманигор аз марде мепурсад:

— Чӣ гуна ба шумо муяссар мегардад, ки ҳама корро дар вақташ иҷро карда, табъатон болида бошад?

Мард мегӯяд:

— Ман бо касе баҳс намекунам.

Рӯзноманигор:

— Охир, ин имконнопазир аст!

Мард мегӯяд:

— Имконнопазир бошад, пас имконнопазир аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube