Аз таҳти дил бихандед!

Раҳматнома

Корманди тамаъкоре ба назди сардор даромада, гуфт:

– Хӯҷаин, имшаб хоб дидам, ки шумо ба ман раҳматнома ва мукофоти пулӣ додаед.

Сардор гуфт:

– Раҳматномаро нигаҳ дору пулро ба муассиса баргардон, ки алҳол мо ба он сахт эҳтиёҷ дорем.

Меҳри шоир

Аз пурхӯре пурсиданд:

– Ба кадом шоир меҳр дорӣ?

Гуфт:

– Ба Мавлоно Ҷалолиддини Румӣ.

– Ба хотири чӣ?

Гуфт:

– Ба хотири як байти ӯ. Ва он байтро бо шавқи тамом замзама кард:

Куҳ бувад наволаам, баҳр бувад пиёлаам,

Ҳар ду ҷаҳон чу луқмаест дар васати даҳони ман.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube