Аз таҳти дил бихандед!

Дуздӣ

Пиразане ба шаҳр омада, ба автобус савор мешавад. Пеш аз даромадан ба автобус кампир калӯшҳояшро аз пояш кашида, дар назди дар мемонаду баъдан савор мешавад. Вақти фаромадан мебинад, ки калӯшҳояш нест, гиребон дошта, мегӯяд:

— Шаҳр ҷойи хуб набудааст, дар як дақиқа калӯшамро дуздиданд-е!

Зани дуюм

Марде ба духтури шиносаш занг зада, мегӯяд:

— Духтур, зудтар биёед, завҷаамро дарди аппендисит азоб медиҳад!

— Хавотир нашавед. Ду сол қабл ман зани шуморо ҷарроҳӣ карда будам. Аппендисит дар одам дубора пайдо намешавад!

Мард мегӯяд:

— Рост мегўед, лекин зани дуюм пайдо мешавад-ку!

Ош

Дар маъракае зан ба шавҳараш мегӯяд:

— Мардак, айбро намедонед, аллакай бори 10-ум аст, ки табақ гирифта, ба сари деги ош меравед.

Мард дар ҷавоб мегӯяд:

— Не, ман ба ҳама мегӯям, ки ошро барои занам бурда истодаам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube