Аз таҳти дил бихандед!

Оҳанпора

Марде ба занаш иҷозат медиҳад, ки мошинашро гирифта ронад. Баъди чанд соат мард барои занаш хавотир шуда, ба қади роҳ мебарояд:

— Бахшиш,- мепурсад аз як шиноси роҳгузараш,- шумо завҷаи маро надидед?

— Дидам, дидам,- мегӯяд шиносаш ва илова мекунад:

— Ҳо ана дар ҳамон адир оҳанпора ҷамъ мекунад.

Иқлими сард

Муаллими ҷуғрофия аз талаба мепурсад:

— Аз ҳама иқлими хунуктарин куҷост?

Талаба дар ҷавоб:

— Синфи худамон, муаллим.

Заҳр

Пагоҳӣ байни зану шавҳар муноқиша сар зада, мард қаҳр карда баромада меравад. Қарибиҳои бегоҳ гурусна монда, ба хонааш занг зада, мепурсад:

— Чӣ пухтӣ?

Зан бо қаҳр мегӯяд:

— Заҳр!

Шавҳар мегӯяд:

— Бисёр хуб, маро интизор нашуда, худат хӯрдан гир!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube