Аз таҳти дил бихандед!

Хариду фурўш

Яке аз дигаре пурсид:

– «Одамони худӣ» киҳоянд?

Ў гуфт:

– Онҳое, ки харида шудаанд.

Гуфт:

– Ҳм-м…, аз ин мебарояд, ки онҳоро фурўхтан мумкин?

Футбол

Ду футболбози пир маслиҳат мекунанд, ки агар яке барвақт реҳлат намояд, бояд ба дигарӣ хабар диҳад, ки дар он дунё футбол ҳаст ё не. Инак, яке аз футболбозон мефавтаду баъди се рӯз ба рафиқаш хабар медиҳад:

– Ҷӯраҷон, ман бароят ду хабар дорам, яке хушу дигаре нохуш.

Рафиқаш мегӯяд:

– Аввал аз хушаш бигӯ.

Футболбози фавтида мегӯяд:

– Дар ин ҷо футбол ҳаст.

Рафиқаш мегӯяд:

– Хабари нохушат чист?

Футболбоз:

– Бозии футбол ҷумъаи оянда аст, ту бошӣ, дар ҳайати асосӣ ширкат меварзӣ.

Зан гирифт…

Яке аз дўсташ пурсид:

– Чаро сари Аҳмад докапеч аст?

Дўсташ гуфт:

– Чӣ, хабар надорӣ?

Вай гуфт:

– Не.

Дўсташ гуфт:

– О, ў зан гирифт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube