Аз таҳти дил бихандед!
Талош
Писар аз падар пурсид:
— Депутатҳо дар сессия чаро ин қадар шўру мағал мекунанд?
Падар гуфт:
— Ин шўру мағал не, талош аст.
Писар гуфт:
— Талоши чӣ?
Падар гуфт:
— Талоши мансаб.
Беаҳд
— Худи пагоҳ ақди никоҳамонро бекор мекунам,- мегӯяд зан ба шавҳараш.- Бас аст, тоқатам тоқ шуд.
— Боз кори имрӯзаро ба фардо мегузорӣ? Ту доим ҳамин хел ҳастӣ, мегӯиву дар гапат намеистӣ,- даст меафшонад шавҳар.
Ба ҷуз инсоф
Шахсе аз мағозаи тиҷоратӣ меомад. Аз ў пурсиданд:
— Он ҷо чӣ ҳаст?
Гуфт:
— Ҳама чиз, ба ҷуз…
Гуфтанд:
— Ба ҷуз шири мурғ?
Гуфт:
— Не, инсоф!
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ