Аз таҳти дил бихандед!

Аляскаро наёфтам…

— Ба ту чӣ шуд, чаро гиря мекунӣ?,- пурсид хоҳар аз апааш.

— Муаллими география ба ман баҳои “2” гузошт. Ман Аляскаро наёфтам…

— Туро бину, хаёлпараст! Хайр, баъд дар куҷо монданат ба ёдат омад?

“Разбор”-и ҳайвонот

Падар дарсҳои тайёркардаи писарчаашро тафтиш мекунад. Вақте навбат ба дарси адабиёт мерасад, нахуст аз мавзуъ пурсон мешавад.

Писарча мегӯяд:

— Мазмун ва мундариҷаи идеявии “Баҳориёт”-и Сайидои Насафӣ.

Падар боз мепурсад:

— Канӣ нақл кун, дар “Баҳориёт” дар чӣ бора сухан меравад?

Писарак:

— Дар “Баҳориёт” ҳайвонҳо “разбор” доранд, дада.

Зан

Мард аз зани бадафте мепурсад:

— Бахшиш, шумо Абдулло ном доред?

Зан бо қаҳр:

— Мебахшеду ман зан ҳастам.

Мард мегӯяд:

— Шумо зани даҳшатнок будаед, Абдулло!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube