Аз таҳти дил бихандед!

Намоз

Як шиноси Мушфиқӣ, ки одами сарватманд буд, бемор шуд. Мушфиқӣ беморбинӣ рафт. Шиносаш ба ӯ панҷоҳ танга доду гуфт:

— Чун ман беморам, наметавонам намоз бихонам. Ҳар рӯз панҷ вақт намозатонро ду карат хонеду як караташро ба ман бубахшед.

Мушфиқӣ бист тангаро гардонда доду узр пурсид:

— Хобам сахт, барои намози бомдод хеста наметавонам, хуфтан нарасида, хобам мебарад, барои се вақт намоз сӣ тангаатон кофист.

Шутур

Марде камтар пул пасандоз карду дар куҷо пинҳон карданашро надониста, ба халтачае андохта, ба дарахт баромада, ба шохи аз ҳама баланд овехт.

Як шахси аз ин воқеа хабардор пулро гирифту ба ҷояш саргини шутур андохта монд.

Баъди чанд рӯз ба мард пул лозим шуд, баромада халтачаро гирифта диду ҳайрон шуда, гуфт:

— Аҷабо, ба ин дарахт одам базӯр мебарояду шутур чӣ хел баромада бошад?

Камера

Мӯсафед ба наберааш:

— Дар замони шуравӣ бо як сум аз мағоза шакар, набот, чойи кабуд ва қанду қандалот гирифта мешуд…

— Ҳоло чӣ, бобоҷон?

— Намешавад, дар тамоми мағозаҳо камера часпонидаанд…

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube