Аз таҳти дил бихандед!

Табобат

Бемор ба табиб мегӯяд:

— Духтур, ман дигар маблағи табобатро пардохт карда наметавонам. Пулҳоям тамом шуданд.

Табиб дар ҷавоб:

— Шодам, ки шумо сиҳат шудед!

Одат

Марде дӯсташро дида, мегӯяд:

— Шунидам, ки дуюмбора оиладор шудаӣ?

Дӯсташ дар ҷавоб:

— Бале, Шаҳлоро гирифтам.

Мард ҳайрон шуда:

— Ҳамон Шаҳлои хоҳари занатро?

Дӯсташ мегӯяд:

— Бале, ман ба ҳамин хушдоманам сахт одат кардаам.

Озодӣ

Судя аз маҳбусе, ки аз маҳбас гурехтанӣ шудааст, суол мекунад:

— Чаро шумо кӯшиши аз маҳбас гурехтанро кардед?

Маҳбус мегӯяд:

— Ман олидор шудан мехостам.

Судя мегӯяд:

— Ҳаа, озодиро ҳар кас ба таври худаш мефаҳмидааст…

Сафари корӣ

Марде ба дӯсташ мегӯяд:

— Тасаввур мекунӣ, дирӯз занамро бо як мардак дидам.

Дӯсташ ҳайрон шуда:

— Чаро ба наздашон нарафтӣ?

Мард мегӯяд:

— Чӣ хел мерафтам? Охир, ман дар сафари корӣ қарор дорам-ку!

Маънии ҳаёт

Марде аз дӯсташ мепурсад:

— Медонӣ Фарҳод, ман ҳамеша маънии ҳаёти худро меҷӯяму ҳеҷ ёфта наметавонам…

Дӯсташ мегӯяд:

— Дар яхдон набошад?

Мард мегӯяд:

— Маълум мешавад, ки дирӯз мо онро нӯшида тамом кардаем…!

Гуноҳи писар

Падар писари донишҷӯяшро насиҳат мекунад:

— Ба ҷои он ки ҳушу хаёлатро ба хондан гирӣ, ту аблаҳ духтарбозӣ мекунӣ!

Писар гапи падарро бурида:

— Медонед, дада…

Падар ба ғазаб омада:

— Даматро гир! Ин ҷо кӣ падар аст? Ту ё ман?

Писар дар ҷавоб гунаҳкорона:

— Ҳардуямон дада, ҳардуямон…

5 дақиқаи хушбахтӣ

Ду марди нафақагир дар боғ нишастаанд, ки аз наздашон ҷавондухтаре мегузарад. Яке аз мардон бо ҳавас:

— Кош аз нав ҷавон мешудам!

Марди дигар:

— Ту ақлатро хӯрдаӣ магар? Барои 5 дақиқаи хушбахтӣ боз 40 соли дигар кори давлат кунем?

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *