Аз таҳти дил бихандед!
Ҷасорат
Марде ба дӯсташ лоф мезанад:
– Медонӣ Камолиддин, ман вақте маст мешавам, аз касе наметарсам!
Камолиддин мепурсад:
– Магар аз Ҳанифаат низ наметарсӣ?
Мард мегӯяд:
– Не, ман то ин дараҷа ҳеҷ гоҳ маст нашудаам…
Фоҷиа
Мактаббача, ки китоби “Ревизор”-и Гоголро бо шавқ мехонд, ногоҳ аз падари сармуҳосибаш мепурсад:
– Дадаҷон, ман нафаҳмидам, ҳамин «Ревизор» мазҳака аст ё фоҷиа?
– Писарам, агар ревизор одами худӣ бошад, мазҳака, агар бегона бошад, яқин фоҷиа аст.
Лифт
Нисфи шаб 3 марди маст дар роҳи оҳан мерафтанд. Яке аз онҳо мегӯяд:
– Ин зинапоя хеле баланд будааст-ку.
– Барои баромадан дастқапак ҳам надоштааст,- мегӯяд дигаре.
– Ҳеҷ гап не, ана лифт омада истодааст,- мегӯяд сеюмин.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ